ყირიმში რუსი სამხედროების მკვლელობის პროვოკაცია იგეგმება - განცხადება ამის შესახებ უკრაინის შს მინისტრის მოადგილემ ნიკოლაი ვალიკოვიჩმა გაკეთა.
მისივე თქმით, უკრაინის შს სამინისტროს აქვს მონაცემები იმის შესახებ, რომ ყირიმის ტერიტორიაზე უცნობი პირები, უკრაინული მხარის ფორმით 3 დან 4 მარტის ღამეს გეგმავენ 3-4 რუსი სამხედროს მოკვლას. ყველაფერი ეს იმისათვის, რომ უკრაინის ტერიტორიაზე რუსული არმიის შეყვანის ლეგალიზება მოხდეს.
„ჩვენ გვინდა, რომ ეს ადამიანები გონს მოეგონ. იმიტომ, რომ ასე თქვენ სისხლისღვრის პროვოცირებას მოახდენთ, რომელიც ყირიმში არ არის. ჩვენთვის ძალიან მნიშვნელოვანია, რომ თქვენ გაიგოთ, რომ ადამიანების სიცოცხლე უძვირფასესი ფასეულობაა. მოგიწოდებთ თქვენ, გონს მოეგეთ! მოგიწოდებთ თქვენ, შეჩერდით! იცოდეთ, რომ სიტუაციას თვალყურს ადევნებენ და აკონტროლებენ. ყველა ვისაც ამაში ბრალი მიუძღვის დაისჯება", _ აცხადებს შს მინისტრი.
