დღეს, 17 მარტს, სლოვაკეთის რესპუბლიკის საგარეო საქმეთა მინისტრი მიროსლავ ლაიჩაკი საქართველოს ერთიანობისთვის დაღუპულ გმირთა მემორიალს მოინახულებს და პატივს მიაგებს მათ ხსოვნას. იგი ასევე დაესწრება თბილისში ქართულ-სლოვაკური ბიზნესფორუმის გახსნას.
მიროსლავ ლაიჩაკი საქართველოს ლტოლვილთა და განსახლების მინისტრთან კობა სუბელიანთან ერთად წეროვანის დასახლებას და იქ არსებულ სასწავლო ცენტრს მოინახულებს, ასევე შეხვდება ევროკავშირის სადამკვირვებლო მისიის სლოვაკ დამკვირვებლებს.
სლოვაკეთის რესპუბლიკის საგარეო საქმეთა მინისტრი მიროსლავ ლაიჩაკი საქართველოს 16 მარტს ეწვია და მთავრობის წარმომადგენლებთან შეხვედრები გამართა.