ეროვნული საბჭოს შეფასებით, საქართველოში პრეზიდენტ მიხეილ სააკაშვილის ანტიეროვნული და ანტისახელმწიფოებრივი პოლიტიკა შემაშფოთებელ მასშტაბებს იძენს და ქართულ სახელმწიფოებრიობას განადგურებით ემუქრება.
"ამ პოლიტიკური კურსის დამღუპველი ხასიათი 13 მარტს კიდევ ერთხელ ნათელი გახდა, როდესაც ხელისუფლებამ მოვლენების, ახალი ომის, ნგრევის და სამოქალაქო დაპირისპირების შესახებ განვითარების მათეული სცენარი წარმოადგინა. მიგვაჩნია, რომ ამ ვითარების დაძლევისა ერთადერთი გზა სააკაშვილის რეჟიმის უსწრაფესი კონსტიტუციური და მშვიდობიანი პოლიტიკური მეთოდებით შეცვლაა", - აცხადებენ ეროვნული საბჭოს წევრები.
შეგახსენებთ, რომ "კონსერვატიული პარტიამ", "მამულიშვილმა", "მომავლის პარტიამ", "მოძრაობა სამართლიანი საქართველოსთვის", "ქრისტიანული საქართველომ" და "ხალხის პარტიამ" საქართველოს ეროვნული საბჭოს აღდგენის შესახებ ერთობლივ გადაწყვეტილება დღეს მიიღო.
