უკრაინის ოპოზიციის ერთ-ერთმა ლიდერმა ოლეგ ტიაგნიბოკმა ვერ შეძლო მაიდანის დათანხმება იმაზე, რომ ისინი ხელისუფლების მოთხოვნას შეერთებოდნენ და სამთავრობო კვარტლის ბლოკირება შეეწყვიტათ.
იანუკოვიჩთან შეხვედრის დასრულდების შემდეგ ოპოზიციის ლიდრეებმა მაიდნის სცენიდან ხალხს მიმართეს. კერძოდ, ტიაგნიბოკმა მაიდანს ჰკითხა, მზად არიან თუ არა ისინი ხელისუფლების გეგმით იმოქმედონ და მაიდანის დაპატიმრებული აქტივისტების გათავისუფლების სანაცვლოდ გრუშევსკის ქუჩის ბლოკირება შეწყვიტონ.
მაიდანმა ეს წინდადებები უარყო. მაშინ ტიაგნიბოკმა ხალხს შესთავაზა კენჭისყრით გადაეწყვიტათ - წასულიყვნენ ხელისუფლების მოთხოვნებზე თუ გაეგრძელებინათ წინააღმდეგობა. მაიდანმა მეორე ვარიანტი აირჩია.
ტიაგნიბოკი მაიდანის გადაწყვეტილებას დათანხმდა, თუმცა აღნიშნა, რომ წინააღმდეგობა დისციპლინირებულად და მართვის ერთი ცენტრის ხელმძღვანელობით უნდა გაგრძელდეს.
"ახლანდელ გადაწყვეტილებაზე თითოეული ჩვენგანის სიცოცხლეა დამოკიდებული. ჩვენ თქვენთან ერთად მივდივართ მომავალი ბრძოლისკენ, იმ პირობით, რომ არის დისციპლინა და ბრძანებების შესრულება. თანახმა ხართ? მაშ ბრძოლისაკენ!", _ განაცხადა ტიაგნიბოკმა, რაზეც მაიდანმა დადებითი დამოკიდებულება გამოხატა.
თავის მხრივ, ოპოზიციის კიდევ ერთმა ლიდერმა იაცენიუკმა გამოაცხადა, რომ მაიდანი გრუშევსკის ქუჩამდე ფართოვდება. "მხოლოდ მშვიდობიანი პროტესტი - არც ერთი ნაბიჯი უკან",_ განაცხადა მან.
