მომავალი წლიდან სახელმძღვანელოებს მხოლოდ სიღარიბის ზღვარს ქვემოთ მყოფი ოჯახის ბავშვები მიიღებენ. ამის შესახებ განცხადება განათლების მინისტრმა დღეს პარლამენტში `ქრისტიან-დემოკრატების~ ფრაქციის გაფართოებულ სხდომაზე გააკეთა.
"ქრისტიან-დემოკრატები~ ითხოვენ, რომ უფასო სახელმძღვანელოები ყველა ბაეშვს კი არ გადაეცეს, არამედ იმათ, ვისაც ეს ნამდვილად სჭირდება და ამასთან ეს აქცია განხორციელდეს არამხოლოდ პირველკლასელთათვის, არამედ საშუალო სკოლის ყველა კლასის მოსწავლეებისთვის.
ამ საკითხთან დაკავშირებით დღეს ფრაქციის სხდომაზე საგანგებოდ განათლების მინისტრი იქნა მოწვეული, რომელმაც აღნიშნა, რომ ეს მოთხოვნა გათვალისწინებული იქნება, ოღონდ გარკვეული კორექტირებით.
გვარამიას განმარტებით, მთავრობასთან უკვე შეთანხმებულია, რომ 57 ათას ქულამდე მქონე ბენეფიციართა ოჯახის ბავშვებსისთვის ბიუჯეტის სახსრებით შეიძენენ სახემლძღვანელოებს 1-დან 12 კლასის ჩათვლით. ოღონდ ეს ახალი სასწავლო წლიდან განხორციელდება. გვარამიას განცხადებით, ამისთვის 4 მილონ ლარზე მეტია საჭირო და მთავრობისგან არსებობს პირობა, რომ აღნიშნული თანხის მობილიზება შესაძლებელი იქნება.
`ქრისტიან-დემოკრატები~ მთავრობის ამ გადაწყვეტილებას დადებითად აფასებენ. თუმცა, ლევან ვეფხვაძე მთავრობას იმასაც სთხოვს, რომ 1-ელ კლასელთათვის ბენეფიციარის ქულა განისაზღვროს არა 57 ათასით, არამედ 70 ათასით. ამისთვის კი მხოლოდ 1 მილიონის დამატება იქნება საჭირო და იმედოვნებს, რომ მთავრობა ამ საკითხსაც გაითვალისწინებს.
