ჩინეთის ხელისუფლებამ გავლენიანი ამერიკული გამოცემა Wall Street Journal-ის 3 ჟურნალისტი კრიტიკული სტატიის გამო ქვეყნიდან გააძევა.
ჩინეთის საგარეო საქმეთა სამინისტრომ გამოცემის 3 კორესპონდენტს აკრედიტაცია გააუქმა და ქვეყნის 5 დღეში დატოვება უბრძანა.
Wall Street Journal-ზე სტატია სათაურით "ჩინეთი აზიის ავადმყოფი კაცია", რომელმაც ჩინეთის ხელისუფლება განარისხა, 3 თებერვალს გამოქვეყნდა.
სტატიის ავტორია უოლტერ რასელ მიდი, რომელმაც გააკრიტიკა ჩინეთის ხელისუფლების რეაგირება ახალ კორონავირუსზე.
კრიტიკული სტატიის საპასუხოდ ჩინეთის დატოვება გამოცემის ადგილობრივი ბიუროს უფროსის მოადგილეს ჯოშ ჩინს და რეპორტიორებს ჩაო დენგსა და ფილიპ ვენს მოუწევთ.
ჩინეთი მკაცრად რეაგირებს მედიის მიერ გამოთქმულ კრიტიკულ მოსაზრებებზე და თავდასხმით კამპანიას ეწევა.
