საქართველოს საპარლამენტო უმრავლესობის წევრი კობა ლურსმანაშვილი დასავლეთიდან ხელისუფლების მისამართით გამოთქმულ კრიტიკულ განცხადებებს ეხმიანება და აცხადებს, რომ სუვერენული ქვეყნის საქმიანობაში ასეთი ინტენსივობით ჩარევა, არ არის მიზანშეწონილი.
"ვფიქრობ, რომ სუვერენული ქვეყნის საქმიანობაში ასეთი ინტენსივობით ჩარევა, არ არის მიზანშეწონილი. როგორც საქართველოს პარლამენტის წევრს, უფლება მაქვს კონსტიტუციით მონიჭებული, საარჩევნო სისტემებთან დაკავშირებით გადაწყვეტილებები მივიღო.
რაც შეეხება იმას, რომ სამართალწარმოების მიმართულებით თითქოს ოპონენტების შევიწროვება ხდება, ამას აბსოლუტურად ვერ გავიზიარებ, რადგან კონკრეტულ ქმედებებზე სამართალწარმოება წლების განმავლობაში მიმდინარეობს, რომელთა საბოლოო შედეგიც ახლა დადგა.
აქედან გამომდინარე, ეს ვერ იქნება პოლიტიკური ნიშნით გამორჩეული სამართლებრივი ქმედებები მიმართული ოპონენტების წინააღმდეგ", - ციტირებს კობა ლურსმანაშვილის სიტყვებს საქართველოს "პირველი არხი".
