ირანის ხელისუფლებამ, უკრაინის საერთაშორისო ავიახაზების თვითმფრინავის კატასტროფის შედეგად დაღუპულთა ოჯახებს კომპენსაციის სახით 80 000 დოლარი შესთავაზა. ამის შესახებ უკრინის პრეზიდენტმა ვოლოდიმირ ზელენსკიმ განაცხადა.
"ირანულმა მხარემ დაღუპულთა თითოეულ ოჯახს კომპენსაციის სახით 80 000 დოლარი შესთავაზა. ეს თანხა არის ძალიან ცოტა. ადამიანთა სიცოცხლე არ რიცხვებით და ფულით არ იზომება, თუმცა შემოთავაზებული კომპენსაცია ძალიან ცოტაა. ჩვენ გავაგრძელებთ ზეწოლას, რომ კომპენსაციის ოდენობა გაიზარდოს", - განაცხადა ზელენსკიმ.
მისივე თქმით, უკრაინული მხარე აგრძელებს ზეწოლას, რათა ირანისგან თვითმფრინავის შავი ყუთები მიიღოს.
შეგახსენებთ, რომ 8 იანვარს უკრაინული ავიაკომპანია FlyUIA-ს თვითმფრინავმა ავიაკატასტროფა განიცადა.
Boeing-737 თეირანის აეროპორტიდან აფრენიდან ზუსტად 2 წუთში ჩამოვარდა. შედეგად დაიღუპა 176 ადამიანი. საბოლოოდ ავიაკატასტროფის მიზეზად კი ირანის მიერ სარაკეტო დარტყმა სახელდება.
FlyUIA თეირანიდან კიევის მიმართულებით ასრულებდა რეისს.
