თელავის მუნიციპალიტეტის სოფელ ყარაჯალაში საცხოვრებელი სახლში ხანძრის ქრობის დროს მეხანძრე-მაშველი გელა მიქელაძე დაიღუპა.
მეხანძრე სასწრაფო-სამედიცინო დახმარების ბრიგადამ თელავის რეფერალურ საავადმყოფოში გადაიყვანა, მაგრამ ექიმების თქმით, ის უკვე გარდაცვლილი იყო. იგი სახანძრო სამსახურში 20 წელზე მეტ ხანს მუშაობდა.
ხანძარი 5-ოთახიან სახლში გაჩნდა. ხანძრის გამომწვევი მიზეზი ჯერჯერობით უცნობია. ადგილზე პოლიცია და ექსპერტები იმყოფებიან.
