საქართველოს კათოლიკოს-პატრიარქის ნათლული კიდევ 564 ბავშვი გახდა. ჩვილთა 59-ე საყოველთაო ნათლობა სამების საკათედრო ტაძარში გაიმართა.
ნათლობის დასრულების შემდეგ ისინი კათოლიკოს-პატრიარქმა პირადად დალოცა. საყოველთაო ნათლობის იდეა ილია მეორეს ეკუთვნის.
დღეისთვის სრულიად საქართველოს კათოლიკოს პატრიარქს 38 ათასზე მეტი ნათლული ჰყავს. ისინი ჯვარდაწერილი წყვილების ოჯახში მესამე და მომდევნო შვილი არიან. ჩვილთა პირველი საყოველთაო ნათლობა კი ყოვლადწმინდა სამების საპატრიარქო ტაძარში 2008 წლის 19 იანვარს შედგა. კათოლიკოს-პატრიარქის ინიციატივის მიზანი, ქვეყანაში დემოგრაფიული მდგომარეობის გაუმჯობესებაა.
