ხელისუფლებას სამწუხაროდ არ ესმის - როგორც არ უნდა დაერღვია გიორგი გაბუნიას ჟურნალისტური სტანდარტი - ეს ვერ იქნება მათი “მკაცრი რეაგირების” საგანი, - ასე ეხმიანება პარლამენტის წევრი, "ევროპული საქართველოდან", ირმა ნადირაშვილი გიორგი გაბუნიას მიერ "პოსტსკრიპტუმში" გაკეთებულ პუტინისადმი მიმართვას.
„ხელისუფლებას სამწუხაროდ არ ესმის - როგორც არ უნდა დაერღვია გიორგი გაბუნიას ჟურნალისტური სტანდარტი - ეს ვერ იქნება მათი “მკაცრი რეაგირების” საგანი. ამიტომ კომიკურია ბახტაძის, კალაძის და მათ ქვემოთ წვრილფეხა ქოცების ოპერტიული გამოხტომა და მენტორული ტონით საუბარი. გასაგებია, რომ ბოლო ორი კვირის მანძილზე პირველად გგონიათ, რომ ფეხქვეშ მიწა აღარ გეცლებათ, გასაგებია, რომ მომენტით სარგებლობა გინდათ. პირველმა შეგრძნებამ არ მოგატყუოთ და ნუ გაყოყოჩდებით. ვერაფერი გადაფარავს იმ ფაქტს, რომ გავრილოვს თბილისის გულში სხდომა მიჰყავდა, რომ გახარიას ბრძანებით ადამიანებმა თვალისჩინი დაკარგეს და რომ გახარია უნდა წავიდეს!“, - წერს სოციალურ ქსელში ირმა ნადირაშვილი.
