პარტია "ერთიანი საქართველო - დემოკრატიული მოძრაობის" ლიდერი ნინო ბურჯანაძე გადაცემა "კურიერი P.S."-ში, მისი წამყვანის, გიორგი გაბუნიას მიერ გაკეთებულ შესავალს გამოეხმაურა, სადაც გაბუნიამ რუსეთის პრეზიდენტს მიმართა.
"დღეს რუსთავი 2-ზე, გიორგი გაბუნიამ გააკეთა განცხადება, რომლის მსგავსი პრეცედენტი მსოფლიო პოლიტიკის და ჟურნალისტიკის ისტორიაში არ არსებობს.
ეს განცხადება არ არის არც ემოცია და არც მხოლოდ უზრდელობა. ეს არის საშიში საბოტაჟი და პროვოკაცია ჩვენი სახელმწიფოს წინააღმდეგ.
კატეგორიულად მოვითხოვ ხელისუფლებისგან სასწრაფო გამოძიების ჩატარებას და სახელმწიფოს ინტერებისგან გამომდინარე ადექვატური ზომების მიღებას!", - წერს ნინო ბურჯანაძე.
