აბრაამ ლინკოლნის მემორიალთან დამოუკიდებლობის დღისადმი მიძღვნილ ღონისძიებაზე, აშშ-ის პრეზიდენტმა დონალდ ტრამპმა განაცხადა, რომ მალე ამერიკის დროშა მარსზე აღიმართება.
"მინდა გაცნობოთ, რომ ჩვენ ვგეგმავთ, ძალიან მალე დავბრუნდეთ მთვარეზე და ასევე, ძალიან მალე მარსზე ამერიკის დროშა იფრიალებს", - განაცხადა დონალდ ტრამპმა ამერიკელი ხალხის წინაშე სიტყვით გამოსვლისას.
გუშინ, 4 ივლისს, შეერთებულმა შტატებმა დამოუკიდებლობის დღე 243-ედ იზეიმა.
დამოუკიდებლობის დღესთან დაკავშირებით, ვაშინგტონში ტრამპის განკარგულებით მასშტაბური სამხედრო აღლუმი გაიმართა, რაც უჩვეულოა ამ დღისთვის. ამერიკაში დამოუკიდებლობის დღე უფრო მეტად სახალხო და პატრიოტულია, პოლიტიკოსები, პრეზიდენტები ტრადიციულად ერიდებიან სიტყვით გამოსვლას და სამხედრო ძლიერების დემონსტრირებას. წელს ტრამპმა ეს ტრადიცია დაარღვია, რამაც ამერიკელების ნაწილის შეშფოთება გამოიწვია.
