შენობის გარეთ გადი და კანფეტი იქ მოწუწნე... ჩაიტკბარუნე პირი - ასე მიმართა მთაწმინდის ერთ-ერთი საუბნო საარჩევნო კომისიის წევრმა ამომრჩეველს.
„გირჩის“ აქტივისტებმა მთაწმინდის მე-4 საარჩევნო უბანზე კანფეტები დაარიგეს. ტკბილეულზე პარტიის სიმბოლიკაა გამოსახული და წერია „თავისუფლება ტკბილია“.
დღეს, თბილისში, №1 მაჟორიტარულ საარჩევნო ოლქში საქართველოს პარლამენტის შუალედური არჩევნები იმართება. ამას გარდა, მარნეულის, ზესტაფონის, ჭიათურის, ზუგდიდისა და ხულოს მუნიციპალიტეტების მერების რიგგარეშე და საგარეჯოს, ახმეტის, ადიგენის, ზესტაფონის, ჭიათურის, ტყიბულის, წყალტუბოსა და ოზურგეთის მუნიციპალიტეტების ადგილობრივ მაჟორიტარულ საარჩევნო ოლქებში საკრებულოების შუალედური არჩევნები ტარდება.
