რიკოთის უღელტეხილზე მოძრავ ავტობუსს ცეცხლი გაუჩნდა. როგორც „ჯი-ეიჩ-ენს“ შინაგან საქმეთა სამინისტროში განუცხადეს, ცეცხლი ლიკვიდირებულია. ხანძრის შედეგად არავინ დაშავებულა.
„ხანძარი ლიკვიდირებულია. არავინ დაშავებულა. ადგილზე იმყოფებიან ექპერტ-კრიმინალისტები და დეტალურად შეისწავლიან მომხდარს“, - განუცხადეს „ჯი-ეიჩ-ენს“ საგანგებო სიტუაციათა მართვის სამსახურში.
განახლება
დაზუსტებული ინფორმაციით, ავტობუსი თურქეთიდან თბილისისკენ მგზავრობდა. მასში იმყოფებოდა ხუთი პირი, რომელთაგან არავინ დაშავებულა.
შინაგან საქმეთა სამინისტროს ინფორმაციით, აღძრულია სისხლის სამართლის საქმე. მიმდინარეობს გამოძიება სისხლის სამართლის კოდექსის 188-ე მუხლის მეორე ნაწილით, რაც გულისხმობს სხვისი ნივთის დაზიანებას ან განადგურება გაუფრთხილებლობით, ცეცხლთან ან მომეტებული საფრთხის წყაროსთან გაუფრთხილებელი მოპყრობით, რამაც მნიშვნელოვანი ზიანი გამოიწვია.