უკრაინაში საომარი მდგომარეობა დასრულდა. ამის შესახებ პრეზიდენტმა პეტრო პოროშენკომ განაცხადა. მისი თქმით, რომ არა საპრეზიდენტო არჩევნები, რადას სამხედრო მდგომარეობის გაგრძელების შესახებ მიმართავდა.
„მინდა აღვნიშნო, რომ რუსეთის აგრესია არსად გამქრალა. თქვენთან გულწრფელი ვიქნები, რომ არა არჩევნები, უმაღლეს რადას მივმართავდი სამხედრო მდგომარეობის გაგრძელების შესახებ“, - განაცხადა პოროშენკომ.
უკრაინის ათ ოლქში სამხედრო მდგომარეობა 26 ნოემბერს გამოცხადდა.
შესაბამისი გადაწყვტილება ხელისუფლებამ მას შემდეგ მიიღო, რაც უკრაინულ სამხედრო გემებს ქერჩის სრუტეში რუსმა სამხედროებმა ცეცხლი გაუხსნეს, დაიჭრა 6 უკრაინელი სამხედრო, 24 მეზღვაური კი რუსულ მხარეს ამ დრომდე ჰყავთ დატყვევებული.
უკრაინამ მოსკოვი გაეროს კონცვენციის დარღვევაში დაადანაშაულა, მოსკოვმა კი ქერჩის სრუტეში განვითარებულ მოვლენებს კიევის პროვოკაცია უწოდა.
