ახალ საგადასახადო კოდექსში პრესასთან, განათლებასთან და ჯანდაცვასთან დაკავშირებული შენიშვნები გათვალისწინებულია. ამის შესახებ განცხადება ფინანსთა მინისტრის მოადგილემ ირაკლი სირაძემ დღეს პარლამენტში საფინანსო საბიუჯეტო კომიტეტის სხდომაზე საგადასახადო კოდექისს მეორე მოსმენით განხილვისას გააკეთა.
როგორც მან აღნიშნა, კოდექსის იმ მუხლში, რომელიც ეხება დღგ-ისგან გათავისუფლების საკითხებს, დაემატა ის სასაქონლო კოდი, რომელიც პროექტის თავდაპირველ ვარიანტში იყო გამორჩენილი და ეხება ჟურნალ-გაზეთებს. გარდა ამისა, კანონში გასწორდა რეკლამასთან დაკავშირებული საკითხი და ჟურნალ-გაზეთების მიერ სარეკლამო მომსახურებად გათავისუფლებული იქნება დღგ-ისგან. ასევე დამატებითი ღირებულების გადასახადით აღარ დაიბეგრება განათლების სფერო. რაც შეეხება ჯანდაცვას, ფინანსთა მინისტრის მოადგილის განმარტებით, სამედიცინო აპარატების იმპორტი გათავისუფლდება დღგ-ისგან, თუმცა მოხდება გამიჯვნა, რა არის რეალურად ჯანდაცვის აპარატურა და რა არა.
ახალ საგადასახადო კოდექსს პარლამენტი მეორე მოსმენით 16 ივლისს რიგგარეშე სესიაზე განიხილავს.
