იტალიელი მღვდელი, რომელმაც სასუნთქი აპარატი ახალგაზრდა პაციენტს დაუთმო, გარდაიცვალა. იუწყება BBC-ი ადგილობრივ მედიაზე დაყრდნობით.
72 წლის მამა ჯუზეპე ბერარდელი გარდაიცვალა ლოვერეს ჰოსპიტალში, ქალაქ ბერგამოში, რომელიც კორონავირუსისგან იტალიის ერთ-ერთი ყველაზე მეტად დაზარალებული ქალაქია.
როგორც ლოვერეს ჰოსპიტლის სამედიცინო პერსონალი ამბობს, ქალაქ კაზნიგოს მორმწუნეებმა მღვდელს სასუნთქი აპარატი მიუტანეს, რადგან საავადმყოფოში საკმარისი რაოდენობის არ იყო.
მღვდელმა ითხოვა, სასუნთქი აპარატი ახალგაზრდა პაციენტისთვის მიეცათ, რადგან მას უფრო სჭირდებოდა.
როდესაც გარდაცვლილის მღვდლის ცხედარი კრემაციისთვის გადაჰქონდათ, ქალაქის მცხოვრებლებმა ის საკუთარი აივნებიდან და ფანჯრებიდან ტაშით გააცილეს.
მოსახლეობა ითხოვდა ცხედრის გადაცემას, რათა საკადრისი პატივი მიეგოთ მისთვის და დაეკრძალათ.
დაკრძალვის ცერემონია არ შედგა.
