საზღვარგარეთ მყოფი საქართველოს მოქალაქეები ეტაპობრივად დაბრუნდებიან სამშობლოში - ამის შესახებ საქართველოს საგარეო საქმეთა მინისტრმა დავით ზალკალიანმა საკოორდინაციო საბჭოს შეხვედრის დასრულების შემდეგ განაცხადა.
მინისტრის თქმით, რეისები კვირაში ორჯერ შესრულდება.
ავიარეისების გრაფიკი ამ ეტაპზე შემდეგნაირად არის დადგენილი:
23 მარტი - საქართველოს მოქალაქეებს დააბრუნებენ ბერლინიდან.
24 მარტი - ბერძნული ავიახაზები “ეგეოსი” ჩამოიყვანს საქართველოს მოქალაქეებს, ხოლო უკან, საბერძნეთში წაიყვანს საბერძნეთის მოქალაქეებს
26 მარტი - შესრულდება თბილისი-ვენა-თბილისი;
31 მარტი - თბილისი-ამსტერდამი-თბილისი;
3 აპრილი - თბილისი-ვარშავა-თბილისი;
7 აპრილი - თბილისი-ათენი-თბილისი;
10 აპრილი - თბილისი-ლარნაკა-თბილისი.
ასევე ცნობილი გახდა, რომ მთავრობა ავიაკომპანიის ბილეთების ღირებულების სუბსიდირებას არ მოახდენს. როგორც ზალკალიანმა განაცხადა, პრემიერ-მინისტრის მკაცრი დავალებაა, რომ ავიაბილეთის ფასი არ აღემატებოდეს 199 ევროს.
