პირველ საუნივერსიტეტო კლინიკაში მოთავსებულ ასაკოვან ქალს მკვეთრად დადებითი დინამიკა აქვს. კლინიკის გენერალური დირექტორის ლევან რატიანის თქმით, სტაბილურია დანარჩენი პაციენტების მდგომარეობაც.
"4 ინფიცირებული პაციენტი, რომელიც მკურნალობს ჩვენს კლინიკაში, მათი მდგომარეობა კვლავ სტაბილურია. ვვარაუდობთ რომ ეს ქალბატონი მე-14 დღეს გაეწერება ბინაზე ვინაიდან ასეთი მკვეთრი დადებითი დინამიკა გააჩნია ამ ეტაპზე“, - აღნიშნა ლევან რატიანმა.
21 მარტის მდფომარეობით, საქართველოში კორონავირუსის 3 ახალი შემთხვევა დაფიქსირდა. მთავრობის მიერ შექმნილ ვებგვერდზე stopcov.ge განთავსებული ინფორმაციის მიხედვით, ინფიცირებულთა რაოდენობა ამ დროისთვის 47-ს შეადგენს, რომელთაგან გამოჯანმრთელდა 1 პაციენტი.
