ესტონეთის პარლამენტმა "ისტორიული მეხსიერებისა და ისტორიის ფალიფიკაციის შესახებ" რეზოლუცია მიიღო.
რეზოლუციით დაგმობილია რუსეთის ხელისუფლების მცდელობები მეორე მსოფლიო ომის ისტორიის გადაწერასთან დაკავშირებით.
რეზოლუციაში ხაზგასმულია, რომ მეორე მსოფლიო ომის წამოწყება შესაძლებელი გახადა ნაცისტური გერმანიასა და საბჭოთა კავშირს შორის გაფორმებულმა თავდაუსხმელობის პაქტმა, ცნობილი როგორც "მოლოტოვ-რიბენტროპის პაქტი" და მისმა საიდუმლო ოქმებმა.
რეზოლუციის ინიციატორები მოუწოდებენ ხელისუფლებას, ხელი შეუწყონ "ავთენტური ისტორიული მეხსიერების შენარჩუნებას, როგორც ესტონეთში, ისე მთელ მსოფლიოში".
"ნაცისტური გერმანია, საბჭოთა კავშირი და სხვა ტოტალიზატური რეჟიმები დამნაშავეები არიან კაცობრიობის ისტორიაში უპრეცედენტო მასშტაბის მასობრივ მკვლელობებში, გენოციდებში, დეპორტაციებსა და ადამიანებისთვის სიცოცხლისა და თავისუფლების წართმევაში", - წერია რეზოლუციაში.
შეგახსენებთ, 2020 წლის იანვარში, პოლონეთის სეიმმა მიიღო დადგენილება, სადაც მეორე მსოფლიო ომის დაწყებაში, ნაცისტურ გერმანიასთან ერთად საბჭოთა კავშირიც არის დადანაშაულებული.
