მოსკოვმა ერთი წლის წინ დაკავებული უკრაინული ხომალდები კიევს გადასცა. ამის შესახებ განცხადებას რუსეთის საგარეო საქმეთა სამინისტრო ავრცელებს.
უწყების განცხადებით, რუსულმა მხარემ გამოძიება დაასრულა და რუსეთის ფედერაციის ტერიტორიაზე მათი გაჩერება საჭირო აღარ არის.
განცხადებაში ნათქვამია, რომ რუსეთი მომავალშიც მკაცრად აღკვეთს "თავის საზღვართან ნებისმიერ პროვოკაციას".
2018 წლის 25 ნოემბერს რუსულმა ხომალდებმა, ქერჩის სრუტეში, უკრაინის გემებს ოდესის პორტიდან მარიუპოლის პორტში გადაადგილების დროს ცეცხლი გაუხსნეს. დაიჭრა 6 უკრაინელი სამხედრო, დააკავეს უკრაინული ხომალდები, ამასთან, რუსებმა დაატყვევეს 24 უკრაინელი სამხედრო, რომლებიც 7 სექტემბერს გაათავისუფლეს და უკრაინულ მხარეს გადასცეს.
