საქართველოს დაზვერვის სამსახურს თავდაცვის ყოფილი მინისტრი ლევან იზორია უხელმძღვანელებს. ამის შესახებ ინფორმაციას დაზვერვის სამსახური ავრცელებს.
"დღეს საქართველოს დაზვერვის სამსახურის ახალ უფროსს ლევან იზორიას უწყების ყოფილმა უფროსმა დავით სუჯაშვილმა უმასპინძლა.
ლევან იზორია სამსახურის მოსამსახურეებს შეხვდა, ასევე გაეცნო სამსახურში განხორციელებულ რეფორმებს. მან ხაზი გაუსვა სამსახურის ყოფილი უფროსის პროფესიონალიზმსა და ღვაწლს ქვეყნისა და სამსახურის წინაშე, მადლობა გადაუხადა დავით სუჯაშვილს და მომავალ საქმიანობაში წარმატება უსურვა", - ნათქვამია უწყების მიერ გავრცელებულ განცხადებაში.
შეგასხენებთ, დაზვერვის სამსახურის ყოფილი უფროსი დავით სუჯაშვილი თავდაცვის მინისტრის მოადგილედ დაინიშნა.