ევროკავშირი 5 იანვრის საპრეზიდენტო არჩევნებს საქართველოს დემოკრატიისა და სატბილურობის მნიშვნელოვან გამოცდას უწოდებს და ქართველ ხალხს არჩევნების მშვიდობიანად ჩატარებას ულოცავს.
როგორც ევროკავშირის თავმჯდომარეობის ოფიციალურ განცხადებაშია აღნიშნული, ორგანიზაცია მხედველობაში იღებს წინასწარ შედეგებსა და საერთაშორისო დამკვირვებელთა მისიის დადგენილებას და ასკვნის, რომ არჩევნები, ძირითად, დემოკრატიულ სტანდარტებს შეესაბამებოდა.
Aამის მიუხედავად, აღნიშნულია, რომ გამოვლინდა მნიშვნელოვანი დარღვევები, რის გამოც ორგანიზაცია ქართულ მხარეს მოუწოდებს აუცილებელი ზომები მიიღოს, რათა არაუგვიანეს ამ წლისა წარმატებული საპარლამენტო არჩევნები ჩაატაროს.
"საქართველომ აუცილებლად უნდა გააძლიეროს პოლიტიკურ გარემოში სახელმწიფო ინსტიტუტების დამოუკიდებლობა. უზრუნველყოს მედიის თავისუფლება და პლურალიზმი ისევე, როგორც სასამართლოს დამოუკიდებლობა", _ ნათქვამია განცხადებაში.
ევროკავშირი საპრეზიდენტო არჩევნების საბოლოო შედეგებს ელოდება და შესაბამის ორგანოებს ყველა საჩივრის სასწრაფოდ და ადეკვატურად გამოძიებისკენ მოუწოდებს.
"იმისათვის, რომ შენარჩუნდეს არჩევნების ლეგიტიმურობა, ევროკავშირი მოუწოდებს ყველა პოლიტიკურ ძალას, პატივი სცეს არჩევნების შედეგებს და იმოქმედოს დემოკრატიულად. პოლიტიკური ძალებს შორის დიალოგი აღნიშნული პროცესების უმნიშვნელოვანესი ნაწილია., - ნათქვამია განცხადებაში.
