საქართველოს ნავთობისა და გაზის კორპორაციისგან გაზს შპს "მანი" შეიძენს. კომპანია XIB სალიცენზიო ფართობზე, კრწანისის N39 ჭაბურღილიდან 1 წლის განმავლობაში მოპოვებულ ხელმისაწვდომ, მომყოლ გაზს 210 დოლარად იყიდის.
მომყოლი გაზის მიწოდება განხორციელდება კრწანისის N39 ჭაბურღილთან დამონტაჟებული გაზის გამზომი სისტემიდან.
#39 ჭაბურღილიდან მოპოვებული მომყოლი გაზის გაყიდვასთან დაკავშირებით აუქციონი კორპორაციაში 25 თებერვალს გაიმართა. აუქციონში მხოლოდ ერთი კომპანია მონაწილეობდა.
გამარჯვებულ კომპანიასთან ხელშეკრულება უახლოეს დღეებში გაფორმდება. კორპორაციამ გაზის გაყიდვაზე აუქციონი 23 თებერვალს გამოაცხადა.