2008 წლის რუსეთის აგრესიის შემდეგ საქართველოს ფინანსური დახმარებისთვის 100 მილიონი აშშ დოლარი გამოიყო.
განაცხადა საქართველოს პრეზიდენტმა მიხეილ სააკაშვილმა სტრატეგიული კვლევების ინსტიტუტში "ამერიკან ინტერპრაიზში" სიტყვით გამოსვლისას.
"ათასწლეულის განვითარების დახმარების კორპორაციის პაკეტით 2008 წლის რუსეთის შემოსევის შემდეგ 100 მილიონი აშშ დოლარი გამოიყო. ეს გადაუდებელი იმ დროს ძალზე მნიშვნელოვანი იყო. ჩვენ უკვე დავასრულეთ ამ პაკეტის პირველი ეტაპი და ახლა მეორე იწყება. სწორედ ამიტომ ვენდობით ამ მოდელს. ნება მიბოძეთ კიდევ ერთხელ გავიმეორო - ანგარიშვალდებულება მნიშვნელოვანია, როგორც მფლობელებისათვის ისე კლიენტებისათვის. თუმცა ვფიქრობ, იქ სადაც ადგილობრივი მფლობელობის პრინციპი მოქმედებს", _ განაცხადა მიხეილ სააკაშვილმა.
მისივე თქმით, 1990-იან წლებში საქართველოში იყო უცხოური დახმარებების, სიღარიბის დაძლევის პროგრამები, რომლებსაც მხოლოდ 5-6 ადამიანი იღებდა. "ასე ხდებოდა ინფრასტრუქტურული პროექტების შემთხვევაშიც. ასობით მილიონი იხარჯებოდა შეფასებებზე. ანალიზზე ექსპერტებზე. სინამდვილეში ამ თანხას კი პირდაპირ იპარავდნენ და ბანკებში ინახავდნენ. ამ ფონზე ძალიან მნიშვნელოვანია ის, რაც საქართველოში ვარდების რევოლუციის შემდეგ კორუფციის დაძლევის თვალსაზრისით მოხდა", _ განაცხადა მიხეილ სააკაშვილმა.
შეგახსენებთ, რომ მიხეილ სააკაშვილი ვაშინგტონის ერთ-ერთი ყველაზე პრესტიჟულ და სტრატეგიული კვლევების ინსტიტუტს "ამერიკან ინტერპრაიზში" გამართულ კონფერენციას დაესწრო და სიტყვით გამოვიდა. დღეს საქართველოს პრეზიდენტი ცოტა ხნის წინ გარდაცვლილი დიპლომატის რიჩარდ ჰოლბრუკის მემორიალურ ცერემონიას დაესწრება, რომელიც თბილისის დროით ღამის პირველ საათზე დაიწყება. ამ ღონისძიებაში მონაწილეობას მიიღებენ აშშ-ს პრეზიდენტი ბარაკ ობამა და სხვა ქვეყნის ლიდერები.
