საქართველოს ეკონომიკისა და მდგრადი განვითარების სამინისტრომ პროექტში "მინისტრი ერთი დღით" გამარჯვებული გამოავლინა.
მინისტრმა ვერა ქობალიამ საკუთარი კაბინეტი, ერთი დღით "ვუდვორფის" სკოლის მე-12 კლასელს გიორგი ქიტიაშვილს დაუთმო.
"ერთი დღით მინისტრი" ამბობს, რომ მისთვის მნიშვნელოვანია სოფლის მეურნეობის სამინისტროსთან დაკავშირება და მინისტრ ბაკურ კვეზერელთან ერთად სოფლის მეურნეობის განვითარების სხვადასხვა სეგმენტებსა და პროექტებზე საუბარი.
ქიტიაშვილის განმარტებით, სოფლის მეურნეობა ეკონომიკის განვითარების ერთ-ერთი უმნიშვნლოვანესი კომპონენტია. სოფლის მეურნეობის განვითარებასთან ერთად დიდი ყურადღება ტურიზმსაც უნდა დაეთმოს.
ეკონომიკისა და მდგრადი განვითარების მინისტრი ვერა ქობალია ამბობს, რომ პროექტში გამარჯვებულის გამოვლენა გაუჭირდა.
" დაინტერესება საკმაოდ დიდი იყო. მე-12 კლასელების მხრიდან შემოდიოდა წერილები, თუ რას გააკეთებდნენ ისინი, როცა ერთი დღით მინისტრი გახდებოდნენ. საბოლოოდ ერთი აბიტურიენტი გიორგი ქიტიაშვილის წერილი შევარჩიეთ, რომელმაც საკმაოდ კონკრეტულად გაწერა, რას გააკეთებდა მთელი დღის განმავლობაში.
ქიტიაშვილმა თავის პროექტში დაწერა, რომ სამსახურში მისვლისთანავე განიხილავდა წინა დღით სამინისტროში შემოსულ წერილებს, მათ შორის საინვესტიციო განაცხადებსაც და ამის შემდეგ ამ საინვესტიციო პროექტებს საინვესტიციო სააგენტოს დირექტორთან ერთად განიხილავდა. პროექტის მიხედვით, ქიტიაშვილმა ამის შემდეგ დალია ყავა და აღნიშნა, რომ დღის განმავლობაშიო ძალიან ხშირად სვავს ყავას. შემდეგ დაურეკა სოფლის მეურნეობის მინისტრს და მასთან ერთად განიხილა სოფლის მეურნეობასთან დაკავშირებული საკითხები და ამის შემდეგ ის უკავშირდება ტურიზმის სააგენტოს ხელმძღვანელს და მასთანაც მნიშვნელოვან საკითხებზე ბჭობს",- განაცხადა ვერა ქობალიამ.
ეკონომიკისა და მდგრადი განვითარების სამინისტროს ინფორმაციით, "მინისტრი ერთი დღით" პროექტში მონაწილეობა რამოდენიმე ათეულმა მონაწილემ მიიღო. მათგან შეირჩა ოთხი მოსწავლე, რომელთა ნამუშევრებიც სამინისტროს ხელმძღვანელობამ ყველაზე საინტერესოდ მიიჩნია.
კონკურსის მეორე ეტაპზე გავიდნენ: გიორგი ქიტიაშვილი, ანი ნაჩხატიშვილი, ხათუნა გოგუაძე და ლევან თოფურია. მათგან საუკეთესო ნამუშევრის ავტორი პირადად ეკონომიკის და მდგრადი განვითარების მინისტრმა შეარჩია.
მინისტრი კონკურსში გამარჯვებულ მოსწავლეებს შეხვდა და მათ ქვეყნის ეკონომიკურ განვითარებაზე ესაუბრა. მოგვიანებით მათ ერთად დაათვალიერეს საზოგადეობის მომსახურების ცენტრი, რომელიც ეკოომიკისა და მდგრადი განვითარების სამინისტროს პირველ სართულზე ფუნქიცონირებს.
შეგახსენებთ რომ "მინისტრი ერთი დღით" პროექტში განაცხადების მიღება ეკონომიკისა და მდგრადი განვითარების სამინისტროში 2010 წლის ივლისში დაიწყო და ვერა ქობალიას ინიციატივით, ეკონომიკისა და მდგრადი განვითარების სამინისტრომ სკოლების მე-12 კლასის მოსწავლეებისთვის კონკურსი სახელწოდებით "მინისტრი ერთი დღით" დაიწყო.
პროექტის თანახმანად, გამარჯვებულს საშუალება ექნება ერთი დღის განმავლობაში ეკონომიკისა და მდგრადი განვითარების მინისტრის სავარძელი დაიკავოს და თავად მინისტრმა კი მისი თანაშემწის ფუნქნცია შეასრულოს. პროექტში გამარჯვებული მინისტრის რანგში ყველა იმ შეხვედრას დაესწრება, რომელიც თავად ქობალიას დღისათვის ექნება ჩანიშნული.
კონკურსში მონაწილეობის საშუალება ნებისმიერ მე-12-კლასელს ქონდა.
