ს.ს. ენერგო-პრო ჯორჯიამ სტეფანწმინდის რაიონის სოფელ არშას ინდივიდუალური გამრიცხველიანება დაასრულა. თანამედროვე ევროსტანდარტების შესაბამისი მრიცხველები დაუმონტაჟდა 178 აბონენტს. პროექტის ღირებულებამ შეადგინა 54 000 ლარი.
გამრიცხველიანებასთან ერთად გრძელდება სარეაბილიტაციო სამუშაოც, რომლებიც მოიცავენ ქსელის მასშტაბურ რეაბილიტაციას, რომლის ფარგლებშიც მთლიანად იცვლება ამორტიზირებული კაბელები ახალი სადენებით, ძველი ხის ბოძები - ახალი რკინაბეტონის ბოძებით, რემონტდება სატრანსფორმატორო პუნქტები და მნიშვნელოვნად უმჯობესდება ქსელის ინფრასტრუქტურა.
ამ დროისთვის საერთო ჯამში ენერგო-პრო ჯორჯიას მიერ გამრიცხველიანებულია 50-მდე სოფელი (30 000-მდე აბონენტი). ს.ს. ენერგო-პრო ჯორჯია განაგრძობს ინდივიდუალურ გამრიცხველიანებას და 2013 წლისთვის დასრულდება მთელი საქართველოს რეგიონების ინდივიდუალური გამრიცხველიანება. საქართველოში არსებული ქალაქები და ქალაქის ტიპის დასახლებების ინდივიდუალური გამრიცხველიანება 2010 წლის დასაწყისში დასრულდა (400 000 აბონენტამდე).სს "ენერგო-პრო" 1994 წელს ჩეხეთის რესპუბლიკაში, ქ. სვიტავში დაარსდა. ის წარმოადგენს კერძო პირების მიერ დაფუძნებულ კომპანიას, რომელიც თავიდანვე ელექტროგენერაციის სფეროში მოღვაწეობდა. თავდაპირველად კომპანია ჰიდროტურბინების წარმოებითა და ჰესების მშენებლობით იყო დაკავებული.
ამჟამად, "ენერგო-პრო" ფლობს და ამუშავებს 11 ჰიდროელექტრო სადგურს ჩეხეთის რესპუბლიკაში. აგრეთვე, ფლობს ჰიდროელექტრო სადგურებს ბულგარეთსა და თურქეთში. სსE"ენერგო-პროს" ჯგუფის აქტივების საბაზრო ღირებულება დღეისთვის დაახლოებით 300 მილიონ ევროს შეადგენს.
საქართველოში "ენერგო-პრო ჯორჯიას" ჯგუფის პროექტი "ჩეხეთის ექსპორტ ბანკის" მხარდაჭერით განხორციელდა, რომელიც სახელმწიფო საკუთრებაა. მის სპეციალიზაციას ექსპორტისა და ჩეხური კომპანიების უცხოური ინვესტიციების ფინანსური უზრუნველყოფა წარმოადგენს. "ჩეხეთის ექსპორტ ბანკი" 2002 წლიდან აფინანსებს "ენერგო-პრო" ჯგუფის საერთაშორისო საქმიანობას. "ენერგო-პროს" საინვესტიციო საქმიანობის მხარდამჭერია EGAPP- ჩეხეთის რესპუბლიკის ექსპორტის გარანტიისა და დაზღვევის კომპანია, რომელიც საქართველოში "ენერგო-პროსა" და "ჩეხეთის ექსპორტ ბანკის" ინვესტიციების რისკის დაზღვევას უზრუნველყოფს
