პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ ლაშა თორდიამ UNICEF -ის წარმომადგენელთან საქართველოში რულანდ მონაშთან ბავშვთა უფლების დაცვის საკითხები განიხილა.
როგორც თორდიამ ჟურნალისტებთან საუბრისას აღნიშნა, რულანდ მონაშთან საქართველოში ბავშვთა უფლების დაცვის საკითხები განიხილეს. ასევე საუბარი შეეხო, თუ როგორ ასრულებს აღმასრულებელი ხელისუფლება პარლამენტისა და საერთაშორისო ორგანიზაციების რეკომენდაციებს.
"კომიტეტთან არსებობს ბავშვთა უფლების დაცვის საკონსულტაციო საბჭო, შესაბამისად ვთანამშრომლობთ ყველს იმ საერთაშორისო ორგანიზაციასთან, რომლებიც ამ საკითხებში არიან ჩართულები. დღევანდელი შეხვედრაც ემსახურება იმ მიზანს, რომ სამომავლოდ დავსახოთ კონკრეტული ღონისძიებები, რათა ქვეყანაში ბავშვთა უფლებების დაცვის კუთხით პრევენციული ღონისძიების განვახორციელოთ", - აღნიშნა თორდიამ.
ამასთან, შეხვედრაზე საუბარი შეეხო ასევე სასჯელაღსრულების დაწესებულებში არასრულწლოვანთა უფლების დაცვის და შვილად აყვანის საკითხებსაც.
