პორტუგალია საქართველოს ენერგოსექტორით ინტერესდება.
როგორც საქართველოს საგარეო საქმეთა მინისტრმა გრიგოლ ვაშაძემ დღეს, თბილისში ვიზიტით მყოფ პორტუგალიის კოლეგა მინისტრ ლუის ამადუსთან შეხვედრის შემდეგ გამართულ პრესკონფერენციაზე განაცხადა, ენერგოსექტორში თანამშრომლობის გაღრმავება შეხვედრის ერთ-ერთ თემას წარმოადგენდა.
"მოვილაპარაკეთ, რომ პორტუგალიაში გავაგზავნით 70-მდე ენერგეტიკულ პროექტს. ჩვენ უნდა შევქმნათ სამართლებრივი ბაზა ორმხრივი თანამშრომლობის გაღრმავებისთვის", - განმარტა ვაშაძემ.
რაც შეეხება თავად ლუის ამადუს, მისი თქმით, ენერგოსექტორის განვითარების პროცესში პორტუგალია საქართველოს საკუთარ გამოცდილებას გაუზიარებს.
