29 ნოემბრიდან 3 დეკემბრის ჩათვლით საქართველოს სტატისტიკის ეროვნულ სამსახურს საერთაშორისო ექსპერტები სტუმრობდნენ. ვიზიტის მიზანი საქართველოს საერთაშორისო შედარების პროგრამაში (International Comparison Program) ჩართვასთან დაკავშირებით საქსტატის თანამშრომლებისთვის კონსულტაციების გაწევა და შესაბამისი მეთოდოლოგიის შემუშავება იყო.
"საქსტატის" ინფორმაციით, საერთაშორისო შედარების პროგრამა (ICP) 1968 წელს გაეროსა და პენსილვანიის უნივერსიტეტის მიერ ერთობლივად ჩამოყალიბდა და მისი შექმნის მიზანი იყო მოეხდინა ქვეყანათაშორისი შედარება მთლიანი შიდა პროდუქტის (GDP) და მისი კომპონენტების, ვალუტის მსყიდველობითი უნარის პარიტეტზე (PPP) დაყრდნობით.
ისეთი საერთაშორისო ორგანიზაციები, როგორიცა: მსოფლიო ბანკი, საერთაშორისო სავალუტო ფონდი, ეკონომიკური თანამშრომლობისა და განვითარების ორგანიზაცია (OECD), გაერო და ევროსტატი მუდმივად არიან PPP-ს მონაცემთა მთავარი მომხმარებლები. IჩP-ში ქვეყნები მონაწილეობენ ჯგუფებად. საქართველო ICP -ში მონაწილეობდა როგორც დსთ-ს წევრი ქვეყანა, ხოლო ამ ორგანიზაციის დატოვების შემდეგ საქართველო ამ კვლევაში აღარ მონაწილეობს.
მსოფლიო ბანკი მუდმივად ხაზს უსვამდა საქართველოს პროგრამაში ჩართვის აუცილებლობას. ვინაიდან PPP ქვეყნების შეფასების ერთ-ერთი უმნიშვნელოვანეს მაკროეკოენომიკურ კომპონენტს წარმოადგენს და სხვადსხვა დონორების მიერ განხორციელებული მთელი რიგი პროექტების და პოროგრამების წინასწარი შეფასებები ამ ინდიკატორის გამოყენებით ხორციელდება.
მსოფლიო ბანკი, როგორც ICP -ის ძირითადი კოორდინატორი ორგანიზაცია, აკეთებს გამონაკლის, რომ საქართველო 2011 წლის საერთაშორისო შედარების პროგრამაში ჩაერთოს როგორც დამოუკიდებელი ქვეყანა.
საქართველოს ICP -ში ჩართვის პროექტს საქსტატი მილენიუმის განვითარების პროგრამის (MCG) ფინანსური მხარდაჭერით ახორციელებს
