2011 წლის სახელმწიფო ბიუჯეტში არც ერთი თანამდებობის პირის ხელფასის გაზრდა არ არის გათვალისწინებული.
ამის შესახებ ფინანსთა მინისტრმა კახა ბაინდურაშვილმა დღეს მომავლის წლის სახელმწიფო ბიუჯეტის პროექტის განხილვის დროს განაცხადა.
საბიუჯეტო ორგანიზაციებში ხელფასების ზრდის საკითხით ფრაქცია "ქრისტიან-დემოკრატების" წევრი ლევან ვეფხვაძე დაინტერესდა, რომელმაც აღნიშნა, რომ ხელისუფლება ერთის მხრივ "ქამრების შემოჭერაზე" საუბრობს და მეორეს მხრივ ბიუჯეტში გაწერილია საბიუჯეტო ორგანიზაციებში შრომის ანაზღაურები გაზრდა.
ბაინდურაშვილის განმარტებით, მომავალი წლის ბიუჯეტში საუბარია არა თანამდებობის პირების ხელფასების, არამედ რიგით თანამშრომლების ანაზღაურების გაზრდაზე.
"მაგალითად, სასჯელაღსრულების დაწესებულებებში იყო ხელფასი 320 ლარი და ეს ხდება 340 ლარი. ასევე, ხელფასები მოემატებათ საერთო სასამართლოებში, რადგან შემოდის ნაფიც მსაჯულთა ინსტიტუტი და მათ ახალი ფუნქციები ემატებათ'", - განმარტა ფინანსთა მინისტრმა.
