2019 წელს ეუთოს თავჯდომარე ქვეყანა სლოვაკეთი იქნება. სლოვაკეთის საგარეო საქმეთა მინისტრის მიროსლავ ლაიჩაკის თქმით, სლოვაკეთის თავმჯდომარეობა ეუთოში 2019 წელს იქნება საკმაოდ ამბიციური, მაგრამ რეალისტური, ამიტომაც, 2019 წელს სლოვაკეთი დაუღალავად იმუშავებს "ხალხისთვის, დიალოგისთვის, სტაბილურობისთვის".
მიროსლავ ლაიჩიკი აცხადებს, რომ სლოვაკეთის თავმჯდომარეობის პირობებში ეუთო სამ საკითხზე იქნება ფოკუსირებული:
"პირველი, ახალი კონფლიქტების თავიდან აცილება, ეუთო-ს სივრცეში, უკრაინაში მიმდინარე კრიზისი საერთო უსაფრთხოების ერთ-ერთი ყველაზე დიდი გამოწვევაა. სლოვაკეთი აქტიურად ჩაერთვება და იმუშავებს, რათა შეამციროს დაძაბულობა, გაზარდოს ნდობა და ხელი შეუწყოს დიალოგს. სლოვაკეთის თავმჯდომარეობის პერიოდში დაზარალებული მოსახლეობის საცხოვრებელი პირობების გაუმჯობესებაზე ვიმუშავებთ. მხარს ვუჭერთ არსებული ვალდებულებების სრულ განხორციელებას და ეუთო-ს სპეციალური მონიტორინგის მისიისთვის უსაფრთხო ხელმისაწვდომობის უზრუნველყოფას.
ევროპაში და მის ფარგლებს გარეთ, გაჭიანურებული კონფლიქტების შედეგები მუდმივად უდანაშაულო ადამიანებზე ვრცელდება. ამიტომ, ჩვენ ვაპირებთ, რომ მაქსიმალურად გამოვიყენოთ ყველანაირი მექანიზმი, ეუთოს უნიკალური ექსპერტიზა და მისი საველე ოპერაციები ყოველივე ზემოთთქმულის თავიდან ასაცილებლად.
სლოვაკეთის მეორე პრიორიტეტია"უსაფრთხო მომავლის უზრუნველყოფა". სწრაფი ტექნოლოგიური ცვლილება, დიგიტალიზაცია და ინოვაცია. ყველასთვის უსაფრთხო მომავლის უზრუნველსაყოფად, სლოვაკეთის მიზანია გახსნას თანამედროვე ტექნოლოგიიით აღჭურვილი სივრცე ახალგაზრდებისთვის, ასევე სლოვაკეთის მიზანია ტოლერანტობის ამაღლება და დისკრიმინაციის საწინააღმდეგო სამუშაოების გაძლიერება; რადიკალიზაციის თავიდან აცილება; მდგრადი განვითარებისა და კარგი მმართველობის ხელშეწყობა; კიბერ უსაფრთხოებისა და ენერგო კავშირების მართვა.
"ჩვენი მესამე პრიორიტეტი არის „მრავალმხრივი თანამშრომლობაა. ჩვენ გვჯერა, რომ მრავალმხრივი თანამშრომლობის გზით უამრავი პრობლემის თავიდან აცილებაა შესაძლებელი. ამიტომაც გავაგრძელებთ ეუთოს ფარგლებში არსებულ ღია დიალოგს, ისევე როგორც სახელმწიფო და არა სახელმწიფო მოხელეებთან სტრატეგიული პარტნიორობით, ასევე სხვა საერთაშორისო ორგანიზაციების, მათ შორის, გაერო და ევროკავშირი, რათა შეისწავლონ ის გზები, რომელთა საშუალებით ჩვენ შეგვიძლია უკეთესად ვიმუშაოთ საერთო მიზნებთან მიმართებაში. საერთო ჯამში, სლოვაკეთის თავჯდომარეობა მიეძღვნება ეუთო-ს დაახლოებას იმ ხალხთან ვისთვისაც ეს ორგანიზაცია არსებობს, ვინაიდან, ეუთოს ეფექტურობა სწორედ მათზე აისახება", - განაცხადა სლოვაკეთის საგარეო საქმეთა მინისტრმა.