თარიღი    დრო

2019 წელს ელექტროენერგიის მოხმარების 10.9%-იანი ზრდა არის მოსალოდნელი

საქართველო, თბილისი - 16:14 01.10.2019 100

2019 წელს ელექტროენერგიის მოხმარების 10.9%-იანი ზრდა არის მოსალოდნელი. ეკონომიკის სამინისტროს მიერ დამტკიცებული 2019 წლის ელექტროენერგიის (სიმძლავრის) საპროგნოზო ბალანსის მიხედვით, აღნიშნული ზრდის დაკმაყოფილება იგეგმება იმპორტით (+88.3% წ/წ) და ჰიდროგენერაციით (+3.3% წ/წ). საპროგნოზო ბალანსის მიხედვით, ჰიდროგენერაციის ზრდის ძირითადი წყარო 2018 წელს ექსპლუატაციაში შესული და 2019 წელს ექსპლუატაციაში შესასვლელი (4 ჰესი 229გვტ.სთ წლიური გენერაციით) სადგურები იქნება. 2018 წელს თბოგენერაციის 2.9%- იანი კლებაა მოსალოდნელი.

გალტ & ტაგარტის ანგარიშის მიხედვით, ელექტროენერგიაზე მოხმარება ძირითადად პირდაპირი მომხმარებლების (+41.7% წ/წ) და ენერგო-პრო ჯორჯიას აბონენტების (+10.5% წ/წ) ზრდით იქნება განპირობებული. პროგნოზი ასახავს 2018 წლის მაისში განხორციელებულ საკანონმდებლო ცვლილებების გამო 4 კომპანიის გამოყოფას სადისტრიბუციო კომპანიის აბონენტთა სიიდან პირდაპირი მომხმარებლებად. პროგნოზი არ ასახავს მოსალოდნელ ცვლილებებს პირდაპირი მომხმარებლების კრიტერიუმებში.

2019 წლის საპროგნოზო ბალანსში აგრეთვე გათვალისწინებულია ელექტროენერგიის ექსპორტის 18.4%-იანი ზრდა. 2019 წლის საექსპორტო თვეებია მაისი, ივნისი და ივლისი (გარანტირებული ექსპორტის ხელშეკრულებით გათვალისწინებული მოცულობების გამოკლებით). ექსპორტიორი კომპანიები და ექსპორტის მიმართულებები განისაზღვრება წლის განმავლობაში საქართველოს სახელმწიფო ელექტროსისტემის მიერ ჩატარებული აუქციონებით. ცნობისთვის, აპრილი-ივნისის პერიოდისთვის შესაძლოა ახალციხე-ბორჩხას ელექტროგადამცემი ხაზის გამტარუნარიანობა შეიზღუდოს (თურქეთის მხრიდან), რამაც შესაძლოა ექსპორტის დაგეგმილი მოცულობების ცვლილება გამოიწვიოს.

ელექტროენერგიის საბითუმო ბაზარზე მოთამაშეების რიცხვი გაიზრდება. ელექტროენერგეტიკისა და ბუნებრივი გაზის შესახებ საქართველოს კანონში 2018 წლის 22 დეკემბერს შეტანილი ცვლილების მიხედვით:

  • პირდაპირი მომხმარებლის სტატუსის მისანიჭებლად არსებულ კრიტერიუმებს განსაზღვრავს საქართველოს მთავრობა. მთავრობამ პირველი დადგენილება ამ საკითხთან დაკავშირებით უახლოეს მომავალში უნდა მიიღოს.
  • კანონით დაშვებულ იქნა საბითუმო მიმწოდებლის არსებობა, რომელიც ელექტროენერგიას შეისყიდის მწარმოებლებისგან და გაყიდის საბითუმო ბაზრის მონაწილეებზე (მაგ. პირდაპირ მომხმარებლებზე). სემეკს ექნება ელექტროენერგიის საბითუმო მომწოდებლის საქმიანობის მონიტორინგის უფლება, თუმცა მიწოდების საქმიანობა არ დაექვემდებარება ლიცენზირებას. კანონის წინა რედაქცია კრძალავდა მწარმოებლის გარდა სხვა კომპანიისთვის ელექტროენერგიით ვაჭრობას საბითუმო ბაზარზე.
  • გარანტირებული სიმძლავრის განმარტებაში შევიდა ცვლილება და შედეგად გარანტირებული სიმძლავრის წყარო შესაძლოა გახდეს არა მხოლოდ თბოსადგური, არამედ ნებისმიერი სხვა ტიპის ელექტროსადგურიც.

„პირველი ორი ცვლილება ბაზრის ნაწილობრივ გახსნას ემსახურება, ხოლო მესამე - სისტემის მოქნილობის გაზრდას. ჩვენი მოლოდინით, 2019 წლის განმავლობაში პირდაპირი მომხმარებლის სავალდებულოდ რეგისტრაციის ზღვარი დაიწევს და მოიცავს ყველა მაღალი ძაბვის ქსელზე დაერთებულ მომხმარებელს (როგორც განსაზღვრული იყო ენერგეტიკის კანონის 2017 წელს თავდაპირველად განხორციელებულ ცვლილებაში, რომელიც მოგვიანებით შეიცვალა ბაზრის მონაწილეების არასაკამრისი ინფორმირების და საბითუმო მიმწოდებლის არარსებობის გამო)“, განმარტავენ გალტ & ტაგარტში.




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)

13:27 თეგეტა მოტორსი მომხმარებლებს წლის ბოლო ყველაზე მასშტაბურ 50%-იანი ქეშბექის აქციას თავაზობს

14:15 თიბისი ბანკმა „ერთგული" ბარათის მომხმარებლებისთვის სპეციალური აქცია – „10=10=10" დაიწყო

11:50 „ამოუცნობი“ დრონების გამო  Georgian Airways -მა ლონდონი -თბილისის რეისი ვერ შეასრულა

17:02 თეგეტა მოტორსის სოციალური კამპანია #არგამბოლო მელიორა 2018-ის გამარჯვებულია

14:47 ბაკურიანში "კოხტა რუმს ჰოტელ მენეჯმენტის" სასტუმრო აშენდება

13:33 საფინანსო ბაზარზე ახალი რეგულაციების ამოქმედების ვადა აღარ გადაიწევს.

13:24 გვენეტაძე: საბანკო სექტორი აბსოლუტურად გამჭვირვალეა და ამის გამო ხშირად ხდება კრიტიკის ობიექტი

13:13 მომავალ წელს სებ-ი 100 წლის იუბილეს აღნიშნავს



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.2%
შემცირდა 11.8%
არ შეცვლილა 3%