რამდენად დავნიშნავდი თუ არა მე დიმიტრი გაბუნიას, პრეზიდენტის საპარლამენტო მდივნად, გეტყვით, რომ მე არ დავნიშნავდი, - ამის შესახებ საპარლამენტო უმრავლესობის წევრმა დიმიტრი ცქიტიშვილმა სექსუალური შევიწროების კანონპროექტის შესახებ გამართულ სამუშაო შეხვედრაზე განაცხადა.
მისი თქმით, საპარლამენტო მდივანის არჩევა პარლამენტის პრეროგატივა არ არის და შესაბამისად, კანდიდატურის შეფასება მისი მხრიდან არასწორი იქნებოდა.
„რამდენად დავნიშნავდი თუ არა მე დიმიტრი გაბუნიას, პრეზიდენტის საპარლამენტო მდივნად, გეტყვით, რომ მე არ დავნიშნავდი. საპარლამენტო მდივანის არჩევა პარლამენტის პრეროგატივა არ არის და შესაბამისად, კანდიდატურის შეფასება ჩვენი მხრიდან არასწორი იქნებოდა. თუმცა, პირადად მე არჩევანს გაბუნიაზე არ შევაჩერებდი“, - განაცხადა დიმიტრი ცქიტიშვილმა.
ცნობისთვის, საქართველოს პრეზიდენტმა სალომე ზურაბიშვილმა დიმიტრი გაბუნია საპარლამენტო მდივნად დანიშნა. "ქალთა მოძრაობა" და ქალთა უფლებებზე მომუშავე NGO-ები სალომე ზურაბიშვილს მოუწოდებდნენ, საპარლამენტო მდივნად დიმიტრი გაბუნია არ დაენიშნა.