"არჩევნების შედეგების არმიღება და ადრეული საპარლამენტო არჩევნების მოთხოვნა, არაპერპექტიულია, - განაცხადა პოლიტოლოგმა გია ნოდიამ გადაცემა „კვირის აქცენტებში“. მისი თქმით, ეს არ არის ისეთი საკითხი, რომელზე კონსესუსსი მიღწევა ადვილია

„ერთია, რომ ეს არ იყო სამართლიანი არჩევნები,  მაგრამ სამართლებრივად და ცალსახად დამტკიცება იმისა, რომ ამ მეთოდის გამოყენება რომ არა, მოიგებდა გრიგოლ ვაშაძე,  შეუძლებელია“, - განაცხადა ნოდიამ

იგივე მოსაზრება დაწერა მან სოციალურ ქსელ „ფეისბუქში“:

  “არც არჩევნების შედეგის არაღიარებას ვეთანხმები და არც ადრეული საპარლამენტო არჩევნების მოთხოვნა მიმაჩნია ბრძნულად. მაგრამ დღეს მიტინგზე მაინც წავედი, იმიტომ რომ ეს საარჩევნო პროცესი (პირველი ტურის შემდეგ) იყო სრულიად ამაზრზენი და მიტინგი ამის გაპროტესტების ადექვატური ფორმაა” – წერს გია ნოდია.

შეგახსენებთ, რომ  2 დეკემბერს, გაერთიანებულმა ოპოზიციამ რუსთაველის გამზირზე, აქცია გამართა.  აქციაზე შეკრებილებს სიტყვით გაერთიანებული ოპოზიციის წევრებმა მიმართეს. აქციაზე ჩაერთო საქართველოს ყოფილი პრეზიდენტი მიხეილ სააკაშვილიც. აქციაზე შეკრებილები საპრეზიდენტო არჩევნების შედეგებს არ აღიარებენ და უახლოეს დღეებში აპირებენ მიმართონ სასამართლოს შედეგების ბათილად ცნობის შესახებ. ასევე, ვადამდელ საპარლამენტო არჩევნებს ითხოვენ.

საპრეზიდენტო არჩევნების მეორე ტურში „ქართული ოცნების“ მხარდაჭერილმა კანდიდატმა სალომე ზურაბიშვილმა გაიმარჯვა. გაერთიანებული ოპოზიციის კანდიდატმა გრიგოლ ვაშაძემ განაცხადა, რომ ის არჩევნების შედეგებს არ აღიარებს. საქართველოს ყოფილმა პრეზიდენტმა, მიხეილ სააკაშვილმა მომხრეებს ქუჩაში გამოსვლისა და დაუმორჩილებლობისკენ მოუწოდა. გაერთიანებულმა ოპოზიცია ფილარმონიაში მომხრეებს შეხვდა და 2 დეკემბერს ფართომასშტაბიანი აქცია დაანონსა.