ხარაგაულში საქასრიის ტყე იწვის. საგანგებო სიტუაციების მართვის სამსახურის ინფორმაციით, ხანძარი ფოთლოვანი ტყის ქვედა საფარზეა გავრცელებული.
„წინასწარი ინფორმაციით, დამწვარია 1500 კვ.მ. ფართობი. ადგილზე მობილიზებულია 5 სახანძრო-სამაშველო ჯგუფი, 25 მეხანძრე-მაშველი და იმერეთის რეგიონის სატყეო დეპარტამენტის თანამშრომლები. დასახლებულ პუნქტებზე ხანძრის გავრცელების საშიშროება არ არსებობს მიმდინარეობს ხანძრის ლოკალიზება“, - იტყობინება საგანგებო სიტუაციების მართვის სამსახური.