"ქართული ოცნების" თავმჯდომარე მამუკა მდინარაძემ ბრიფინგი გამართა, სადაც პარტიის შიდა კვლევების შედეგები გამოაქვეყნა.
მდინარაძის განცხადებით, ე.წ. ალოკაციის გარეშე გამოკითხულთა 27%-მა პროცენტმა "ქართული ოცნების" მხარდაჭერილი სალომე ზურაბიშვილი დაასახელა.
მისი თქმით, 10%-მა "ძალა ერთობაშიას" საპრეზიდენტო კანდიდატი გრიგოლ ვაშაძე დაასახელა, 9%-მა "ევროპული საქართველოს" კანდიდატი დავით ბაქრაძე, ხოლო 6%-მა სხვა კანდიდატები დაასახელა. 48% კი ან არ გეგმავს არჩევნებზე წასვლას, ან გადაწყვეტილება ამ დრომდე არ მიუღია. მისი განმარტებით, აქ შედიან ის ადამიანებიც, რომლებიც არჩევნებში მონაწილეობას არ გეგმავენ.
მდინარაძის განცხადებით, ე.წ. ალოკაციის მეთოდით ჩატარებულ კვლევაში, რომელიც არჩევნებში მოსალოდნელ შედეგს აჩვენებს, სალომე ზურაბიშვილს 53% მხარდაჭერა აქვს და ის პირველივე ტურში იმარჯვებს. მდინარაძის თქმით, ამავე კვლევის მიხედვით, გრიგოლ ვაშაძეს 19%, დავით ბაქრაძეს კი 17% უჭერს მხარს. ამავე კვლევის თანახმად, სხვა კანდიდატებს 11%-იანი მხარდაჭერა აქვთ.