დღეს, 16 ოქტომბერს 18:00 საათზე, სსიპ ღვინის ეროვნულ სააგენტოში (მარშალ გელოვანის 6, სამინისტროს ეზო) საქართველოს გარემოს დაცვისა და სოფლის მეურნეობის სამინისტრო ისრაელის განვითარებისა და თანამშრომლობის საერთაშორისო სააგენტოს, „მაშავის“ 60 წლის იუბილესადმი მიძღვნილ მიღებას უმასპინძლებს.
მიღებას დაესწრებიან საქართველოს გარემოს დაცვისა და სოფლის მეურნეობის მინისტრის პირველი მოადგილე ნოდარ კერესელიძე, ისრაელის საგანგებო და სრულუფლებიანი ელჩი საქართველოში, შაბთაი ცური და „მაშავის“ ხელმძღვანელის მოადგილე იუვალ ფუქსი.
