საერთაშორისო სავალუტო ფონდის (სსფ) განახლებული პროგნოზით საქართველოს ეკონომიკა 5.5%-ით გაიზრდება 2018 წელს, რომელიც 1.0პპ-ით აღემატება 2018 წლის აპრილის პროგნოზს. ამასთან, სსფ პროგნოზით საქართველოს ეკონომიკა წლიურად საშუალოდ 5.1%-ით გაიზრდება 2019-23 წლებში.
საქსტატის მონაცემებით, 2018 წლის სექტემბერში სავაჭრო დეფიციტი წლიურად 4.9%-ით შემცირდა და 409.7 მლნ აშშ დოლარი შეადგინა, რადგან ექსპორტი წლიურად 17.1%-ით გაიზარდა 301.7 მლნ აშშ დოლარამდე, ხოლო იმპორტი მხოლოდ 3.3%-ით გაიზარდა 711.4 მლნ აშშ დოლარამდე. ჯამურად, 2018 წლის პირველ ცხრა თვეში, ექსპორტი 25.7%-ით გაიზარდა და 2.4 მლრდ აშშ დოლარი შეადგინა, იმპორტი
19.1%-ით გაიზარდა და 6.7 მლრდ აშშ დოლარი შეადგინა. შედეგად, სავაჭრო დეფიციტი 15.5%-ით გაიზარდა 4.2 მლრდ აშშ დოლარამდე. საგარეო ვაჭრობის დეტალური სტატისტიკა 2018 წლის 19 ოქტომბერს გამოქვეყნდება.
