გემი PANTELENA, რომელზეც 17 ქართველი მეზღვაური იმყოფებოდა, ტოგოს რესპუბლიკაში უსაფრთხოდ დაბრუნდა.
არსებული ინფორმაციით, ეკიპაჟზე შეიარაღებული თავდასხმა მოხდა გაბონის ტერიტორიულ წყლებში, რის შემდეგაც გემი ღია ზღვაში გაიტაცეს.
24 აგვისტოს ცნობილი გახდა, რომ მეზღვაურების სიცოცხლეს და ჯანმრთელობას საფრთხე არ ემუქრება და მათი მდგომარეობა დამაკმაყოფილებელია. აჭარის მთავრობის მეთაურმა მეზღვაურების ოჯახების წევრებს ეს ინფორმაცია პირადად მიაწოდა.
პანამის დროშის ქვეშ მცურავ გემზე, რომელსაც 7 000 ტონა საწვავი გადაჰქონდა, საქართველოს 17 მოქალაქე იმყოფებოდა, რომლებთანაც კონტაქტი 14 აგვისტოს გამთენიისას გაწყდა.