მსჯავრდებულ დეკანოზ გიორგი მამალაძის ადვოკატები ხვალ პრეზიდენტს შეწყალების თხოვნით მიმართავენ.
როგორც „ჯი-ეიჩ-ენთან“ მამალაძის ადვოკატი, ფიორგი ფანცულაია აცხადებს, პრეზიდენტს სრული ინფორმაცია აქვს, თუ რატომ არის აუცილებელი დეკანოზის შეწყალება.
„დეკანოზ გიორგი მამალაძის შეწყალების თაობაზე პრეზიდენტს ხვალ მივამრთავთ. შეწყალება არ ნიშნავს, რომ ის ბრალი დაიბრალოს, რასაც ედავებიან. ის პრეზიდენტმა როგორც ქართული მართლმსაჯულების მსხვერპლი და უკანონო პატიმარი, ისე უნდა შეიწყალოს.
მოგეხსენებათ, ჩვენ სამართლებირვი ბრძოლის გაგრძელებას სტრასბურგის ევროპულ სასამართლოში ვგეგმავთ. აქედან გამომდინარე, დეკანოზ მამალაძესთან მიმართებაში საქართველოს პრეზიდენტს ყველა სამართლებრივ არგუმენტაციას მიავწვდით, რომ ის და მისი ადმინისტრაცია დარწმუნდეს იმაში, რომ დეკანოზი მამალაძე ნამდვილად მართლმსაჯულების მსხვერპლია და ის უნდა შეიწყალოს.
აქვე გეტყვით, რომ ჩვენ რამდენჯერმე გვქონდა პრეზიდენტის ადმინისტრაციასთან შეხვედრა, განვუმარტეთ, თუ რა ხარსიხსის და მნიშვნელობის დარღვევებია საქმეში, თუ როგორ შეიკერა ეს საქმე და რა დაინტერესება არსებობდა დეკანოზ გიორგი მამალაძის მიმართ“, - აცხადებს ფანცულაია.
როგორც ის განმარტავს, დეკანოზი ოპტიმისტურადაა განწყობილი და მოლოდინი აქვს, რომ მას შეიწყალებენ. თუმცა, ადვოკატის თქმითვე, მამალაძისთვის უმთავრესი სიმართლის დადგენაა.
„დეკანოზს ოპტიმისტური განწყობა აქვს, მაგრამ მისი პირველი ამოცანაა, სიმართლისთვის ბრძოლა, თორემ, მას არაერთხელ ჰქონდა შეთავაზება, რომ ციხეს დაატოვებინებდნენ თუკი, ის გაჩუმდებოდა. დეკანოზის სურვილია, პრეზიდენტმა შეიწყალოს, მაგრამ მისი უმთავრესი სურვილი საქმეზე სიმართლის დადგენაა“, - აცხადებს ფანცულაია.
შეგახსენებთ, რომ 2017 წლის 5 სექტემბერს, მოსამართლე ბესიკ ბუგიანაშვილმა დეკანოზ გიორგი მამალაძეს 9 წლით თავისუფლების აღკვეთა მიუსაჯა. განაჩენი ორივე მხარემ გაასაჩივრა. პროკურატურა განაჩენის დამძიმებას, დაცვა კი გამამართლებელ განაჩენს ითხოვდა.
სააპელაციო სასამართლომ არცერთი მხარის მოთხოვნა არ დააკმაყოფილა და ძალაში საქალაქო სასამართლოს გადაწყვეტილება დატოვა.
რამდენიმე დღის წინ კი, აღნიშნული სისხლის სამართლის საქმე უზენაესმა სასამართლომ წარმოებაში არ მიიღო.