ჩოხატაურის საკრებულოს სოციალურ საკითხთა კომისიის თავმჯდომარე, ვლადიმერ სიხარულიძე სამართალდამცავებმა დააკავეს. შემთხვევა რამდენიმე საათის წინ მოხდა.
როგორც "ჯი-ეიჩ-ენს" შინაგან საქმეთა სამინისტროში განუცხადეს, სიხარულიძეს ღვედი არ ეკეთა, რის გამოც ის პატრულმა გააჩერა. არსებული ინფორმაციით, საკრებულოს წევრი სამარლთალდამცავების კანონიერ მოთხოვნას არ დაემორჩილა და მან საპატრულო პოლიციის თანამშრომლებს შეურაცხყოფა მიაყენა.
ფაქტის გამო, სიხარულიძე ადმინისტრაციულ სამართალდარღვევათა კოდექსის 173-ე მუხლით დააკავეს, რაც პოლიციელის კანონიერი განკარგულებისადმი ან მოთხოვნისადმი დაუმორჩილებლობას გულისხმობს.
აღნიშნული დანაშაული 1000 ლარიდან 2000 ლარამდე დაჯარიმებას, ან ადმინისტრაციულ პატიმრობას 15 დღემდე ვადით ითვალისწინებს.