სპეცოპერაციისას მოკლილი თემირლან მაჩალიკაშვილის მამა, მალხაზ მაჩალიკაშვილი „ჯი-ეიჩ-ენთან“ საუბარში აცხადებს, რომ დღეს ISIS-ს სახელით გავრცელებული მუქარის შემცველი ვიდეო, რეალურად ამ დაჯგუფების კი არა, ქართული სახელმწიფოს მიერაა შექმნილი.
„არ მგონია, ეს ვიდეო ISIS-ის მიერ იყოს გავრცელებული. ეს ჩვენი სპეცსამსახურების, ჩვენი ძალოვანი სტრუქტურების, სუს-ის მიერაა გავრცელებული. ჩემი სტრასბურგში ვიზიტი რომ ჩაიშალა, ვითომ ISIS-დან უგზავნიან ვიდეობს, თემირლანის სურათიცაა იქ ჩამატებული და ცდილობენ დაამტკიცონ, ვითომ, ისინი ამბობენ, თემრილანი ჩვენი ძმა იყო, ამას არ შეგარჩენთო. ეს ამათი ისევ და ისევ ბინძური თამაშია და მეტი არაფერი! ეს არანაირი ISIS-ის მირ გავრცელებული ვიდეო არ არის, ეს სუს-ის მიერ წამოწყებული ბინძური თამაშია“, - აცხადებს მაჩალიკაშვილი.
ცნობისთვის, ვიდეოში ISIS -ის ქართული დაჯგუფება საქართველოს ხელისუფლებას შურისძიებით ემუქრება.
„ორი ძმა მოგვიკალით (დაგვიწვით) არაფრის გულისთვის! სულ მალე მიიღებთ ამისთვის სასჯელს ურჯულოებო! გეშინოდეთ ჩვენი... გაუჩინარებული მაგამედოვი!! დიახ, ჩვენ გვახსოვს ეს ყველაფერი... გაბრიელ სალოსის სპეცოპერაცია!!! აქაც დაგვიხოცეთ ძმები ღალატით და მოტყუებით. ინშა ალლაჰ, ჩვენი მეომრები მზად არიან შურისძიებისთვის“, - ნათქვამია ვიდეომიმართვაში.