ამის შესახებ განცხადება მან დღეს „ხორავას ქუჩის“ საქმეზე შექმნილი პარლამენტის საგამოძიებო კომისიის სხდომაზე საპარლამენტო უმრავლესობის წევრის, ანრი ოხანაშვილის, კითხვის პასუხად განაცხადა, სადაც მან იკითხა, თუ რატომ შეაჩერებინა პროკურორმა ტრასოლოგიური ექსპერტიზის შემდგენ ექსპერტს დასკვნის დაწერა.
“ჩემი აზრით, ეს არის სრული აბსურდი. ამ თემით მე დავინტერესდი და დავურეკე პროკურორს, რომელზეც საუბრობდა. იმ საუბარს ესწრებოდა ორი პროკურორი და სამი ექსპერტი. თუ გამოკითხავთ იმ ხალხს, დაგიდასტურებენ ამ ინფორმაციას. გაჩერება-არგაჩერება ფიზიკურად ვერ მოხდება, რადგან როცა ექსპერტი წერს დასკვნას, მას ხელი უნდა მოუწეროს ხელმძღვანელმა, მათაც აქვთ იერარქიული კიბე. გამოუშვი-არ გამოუშვა დასკვნა, ეს ფიზიკურად ვერ მოხდება. ამ ადამიანს ან ეგონა, რომ რაღაც სხვაზე დაუსვეს კითხვა, ან შეცდომაშია შეყვანილი, ან რაღაც მოეჩვენა,“ - განაცხადა შაყულაშვილმა.