სულ ცოტა ხუთი ადამიანი დაიღუპა სამხრეთ კორეის აღმოსავლეთ ნაწილში სამხედრო ვერტმფრენის ვარდნის გამო.
ავიაკატასტროფა სამხედრო აეროდრომზე მოხდა. ერთი ადამიანი, რომელიც ასევე ბორტზე იმყოფებოდა გადარჩა. თუმცა, სერიოზული დაზიანებები მიიღო. ის უკვე ჰოსპიტალიზირებულია.
აღსანიშნავია, რომ შემთხვევა საცდელი გაფრენისას მოხდა, მას შემდეგ, რაც მასზე სარემონტო სამუშაოები დასრულდა.
სამხრეთ კორეის სამხედრო ხელმძღვანელობა გეგმავს შექმნას სპეციალური კომიტეტი, რომელიც კატასტროფის მიზეზებს გამოიძიებს.
