საპროკურორო საბჭოს სხდომას, რომელზეც მთავარი პროკურორი უნდა აირჩიონ, 15 წევრიდან 13 ესწრება.
სხდომას არ ესწრება საპარლამენტო უმრავლესობის დეპუტატი ეკა ბესელია.
სხდომაზე არ იმყოფება "ევროპული საქართველოს" წევრი ოთარ კახიძეც. მან გასაუბრების პროცესზე ჟურნალისტების დასწრება მოითხოვა. იუსტიციის მინისტრმა საკითხი კენჭისყრაზე დააყენა, რომელსაც საპროკურორო საბჭოს არც ერთმა წევრმა მხარი არ დაუჭირა, რის შემდეგაც კახიძემ სხდომა დატოვა, „ევროპული საქართველოს“ მიერ წარდგენილმა კანდიდატმა შალვა შავგულიძემ კი საკუთარი კანდიდატურა მოხსნა.
სხდომას ესწრებიან იუსტიციის მინისტრი თეა წულუკიანი, საბჭოს წევრები − ანა კალანდაძე, კონსტანტინე სირაძე, ანზორ უსტიაძე, გიგა ძნელაძე, ივანე კაკალია, მამუკა ფიფია, გოჩა ფარულავა, ნანა ხუნჯუა, ვასილ მშვენიერიძე, სერგო მეთოფიშვილი, პოლიკარპე (თემურ) მონიავა, ირმა ჭკადუა.