კიევის სასამართლო პარასკევს განიხილავს საქართველოს ყოფილი პრეზიდენტის და ოდესის ყოფილი გუბერნატორის მიხეილ საკაშვილის სარჩელს უკრაინის პრეზიდენტის პეტრო პოროშენკოს მიმართ, მისთვის უკრაინის მოქალაქეობის ჩამორთმევასთან დაკავშირებით. განაცხადა სააკაშვილის პარტიის პრესსამსახურმა.
"22 ივნისს, პარასკევს 10 საათზე საკასაციო ადმინისტრაციულ სასამართლოში მოისმენენ მიხეილ სააკაშვილის სარჩელს უკრაინის პრეზიდენტისადმი სააკაშვილისთვის მოქალაქეობის ჩამორთმევის საკითხთან დაკავშრებით“ - ნათქვამია პრესსამსახურის მიერ გავრცელებულ რელიზში.
2017 წლის ბოლოს პოროშენკომ ხელი მოაწერა ბრძანებას შეეწყვიტა სააკაშვილისთვის უკრაინის მოქალაქეობა. შსს-ს გამგეობის წევრის ანტონ გერაშენკოს განცხადებით, სააკაშვილს მოქალაქეობა ჩამოართვეს, რადგან მისი მიღებისას სააკაშვილმა წარადგინა არასწორი მონაცემები, კერძოდ საქართველოში მის მიმართ აღძრული სისხლის სამართლის საქმის შესახებ. მოგვიანებით სააკაშვილმა ეს გადაწყვეტილება უკრაინის სასამართლოში გაასაჩივრა.
უკრაინის ხელისუფლებამ სააკაშვილი თებერვალს პოლონეთში გადაგზავნა, საიდანაც ის უკანონო გზით შევიდა უკრაინის ტერიტორიაზე. უკრაინის საზღვრის დაცვის სამსახურმა ყოფილ პრეზიდენტს ქვეყანაში შესვლა 2021 წლამდე აუკრძალა.
