ოზურგეთის რაიონულმა სასამართლომ "ნაციონალური მოძრაობის" დეპუტატის ცემის ფაქტზე, საკრებულოში ფრაქცია „ქართული ოცნების” წევრ ტარიელ აროშიძეს აღკვეთის ღონისძიების სახით 5 000-ლარიანი გირაო შეუფარდა.
ტარიელ აროშიძის ადვოკატის განცხადებით, 5 000-ლარიანი გირაოს შეფარდება არასამართლიანია, რადგან დანაშაული ნაკლებად მძიმეა
„ჩემი დაცვის ქვეშ მყოფი იყო აღელვებული და ქათამაძეს ესროლა მაგიდის დროშის სადგამი. იგი ნაწილობრივ აღიარებს დანაშაულს”,- განაცხადა ადვოკატმა მერაბ ფუტკარაიამ.
საქმის პროკურორის, შოთა ჩხაიძის განცხადებით, გამორიცხული არ არის, რომ სხვა პირთა ბრალეულობაც გამოიკვეთოს.
