ნატო არ უზრუნველყოფს თურქეთის უსაფრთხოებას, ალიანსი ქმნის ქაოსს ისლამურ ქვეყნებში, განაცხადა თურქეთის პრეზიდენტობის კანდიდატმა ისლამური პარტიიდან თემელ კარამოლაოღლუმ.
თურქეთის ვადამდელ საპრეზიდენტო არჩევნებზე 24 ივნისს საარჩევნო ბიულეტენებში შევა, მოქმედი პრეზიდენტი - რეჯეფ თაეფ ერდოღანი; მუჰამერ ინჟე; სელაჰატინ დემირტაში; მერალ აკშენერი; თემელ კარამოლაოღლუ და დოგ პერინჩეკი. ასევე ერთდროულად ჩატარდება საპარლამენტო არჩევნებიც.
„რაც შეეხება ნატოს, თავიდანვე შევედით გარკვეული გარემოებების გათვალისწინების გამო, მაგრამ ჩვენ გამუდმებით ვხედავთ ცალმხრივ გაგებას მათი მხრიდან. ნატოს მხრიდან ჩვენს თავდაცვაზე სერიოზული მიდგომა არაა. საბჭოთა კავშირის დაშლის შემდეგ, ნატომ შეიცვალა თავისი სტრატეგია, ალიანსის პროექტები მიმართულია შექმნას ქაოსი ისლამურ ქვეყნებში, რაც ჩვენთვის მიუღებელია“ - განაცხადა კარამოლაოღლუმ.
მისი თქმით, თურქეთს სურს ირანთან, რუსეთთან ურთიერთობების გაღრმავება. ასევე - ერაყთან, სირიასთან, ეგვიპტესთან და სხვა არაბულ ქვეყნებთან. „ეს ურთიერთობები სამომავლოდაც უნდა გაძლიერდეს, რაც გამოიწვევს სხვადასხვა ალტერნატივას რეგიონში. აღნიშნა მან.
